२१ चैत्र २०८१, शुक्रबार
Tags

श्रीहरी सत्संग समितिले निकाल्यो शोभायात्रा, आज बाट रासलीला सुरु हुने

रणभुमी डेस्क मंगलबार, चैत्र ०४, २०८१

विराटनगर / विराटनगरमा श्रीहरी सत्संग समितिले भव्य शोभा यात्राको आयोजना गरेको छ। तीन दशकपछि विराटनगरमा हुन लागेको धार्मिक कार्यक्रम श्री कृष्ण रासलीलाको शुभारम्भ अघि चैत्र ५ गते बिहान ७:३० बजे शोभा यात्रा निकालिएको हो ।

यस शोभा यात्रामा विद्यालय, मारवाडी महिला मंच, नेपाल सोनार समाज फाउन्डेसन, ओम शान्ति, इस्कन लगायत आधा दर्जन भन्दा बढी संघ संस्था र प्रतिष्ठानहरूको सहभागिता रहेको थियो।

आज देखि चैत्र ९ गतेसम्म बिराटनगर मेनरोडस्थित अतिथि सदनमा साँझ ६ बजेदेखि ९ बजेसम्म हुने कार्यक्रममा वृन्दावनबाट आएको २१ सदस्यीय कलाकार टोलीद्वारा दिव्य र भव्य कृष्ण लीला (रासलीला) प्रदर्शन गरिनेछ।
कार्यक्रम संयोजक महेश साह स्वर्णकारले शोभायात्रा मार्फत दिव्य भव्य श्रीकृष्ण रासलीला कार्यक्रमको शुभारम्भ भएको जानकारी गराउँदै सम्पूर्ण धर्मप्रेमीहरुलाई यस अवसरको लाभ उठाउन आग्रह गरेका छन्।

यहाँ कमेन्ट गर्नुहोस्