रणभुमी डेस्क शनिबार, कार्तिक १०, २०८१
विराटनगर / राष्ट्रिय सौन्दर्य कर्मी युनियन नेपाल (नाबुन) कोशी प्रदेशले बडादशैं, तिहार, नेपाल सम्वत् ११४५ र छठ पर्वको अवसरमा शुक्रबार एक भव्य शुभकामना आदानप्रदान कार्यक्रम सम्पन्न गरेको छ।
नाबुन कोशी प्रदेश अध्यक्ष कला डाँगीको अध्यक्षतामा आयोजित कार्यक्रममा विराटनगर महानगरपालिकाकी उप-प्रमुख शिल्पा निराला कार्की प्रमुख अतिथिको रूपमा उपस्थित थिइन्। त्यसैगरी नेपाल ट्रेड युनियन महासंघ (जिफन्ट) का प्रदेश अध्यक्ष किशोर धमला विशिष्ट अतिथिको रूपमा सहभागी भएका थिए।
कार्यक्रममा जुगाकोटेम्युका केन्द्रीय उपाध्यक्ष मुरारी भट्टराई, समग्र युनियन ट्रेड युनियन नेपालका केन्द्रीय उपाध्यक्ष मनोज मगर र नाबुन विराटनगर महानगर समिति एवं जिफन्ट युवा कमिटीका अध्यक्ष भली सुब्बा लगायत दर्जनभन्दा बढी अतिथिहरूको उपस्थिति रहेको थियो।
सुनसरी र मोरङ जिल्लाका विभिन्न पेशामा आबद्ध २ सय भन्दा बढी महिला तथा पुरुषहरूको सहभागिता रहेको उक्त कार्यक्रममा सहभागीहरूले कविता वाचन, गीत संगीत र नृत्य प्रस्तुत गरी कार्यक्रमलाई मनोरञ्जनात्मक बनाएका थिए।
यहाँ कमेन्ट गर्नुहोस्