रणभुमी डेस्क शुक्रबार, चैत्र ०७, २०८१
विराटनगर / श्रीहरि सत्संग समितिद्वारा आयोजित ६ दिने धार्मिक कार्यक्रम रासलीलाको क्रममा विराटनगरका पत्रकारहरुलाई नगद सहित सम्मानित गरिएको छ।
रासलीला कार्यक्रमका प्रमुख संयोजक महेश साह स्वर्णकारले कोशी प्रदेश सभाका सभासद भीम पराजुलीको हातबाट विराटनगरका पत्रकारहरुलाई नगद र सम्मानपत्र प्रदान गरे।
सम्मानित हुने पत्रकारहरुमा नेपाल पत्रकार महासंघ मोरङ्ग शाखाकी अध्यक्ष सुशीला पाठक, रणभूमी डटकमका कार्यकारी सम्पादक पवन कुमार शाह, चिरफार डटकमका संचालक ब्रह्मदेव यादव, उदघोष दैनिकबाट बाबुराम भण्डारी, न्यू सृष्टी दैनिकबाट अनुज सापकोटा र क्राईम अप्रेशन साप्ताहिकबाट श्याम सुन्दर सुतीहार लगायत रासलीला कार्यक्रम सफल पार्न सक्रिय रुपमा भूमिका खेल्ने एक दर्जन भन्दा बढी पत्रकारहरुलाई सम्मान गरिएको थियो।
चैत्र ५ गते देखि ९ गते सम्म हुने भनिएको रासलीला कार्यक्रम श्रद्धालु दर्शकहरुको मागलाई सम्बोधन गर्दै श्रीहरि सत्संग समिति ले १ दिन थप गरी चैत्र १० गतेसम्म प्रत्येक दिन साँझ ६ बजेदेखि राति ९ बजेसम्म सञ्चालन हुने विराटनगर सम्भाग अध्यक्ष विद्यानन्द माझीले जनाएको छ।
यहाँ कमेन्ट गर्नुहोस्