रणभुमी डेस्क मंगलबार, चैत्र ०४, २०८१
विराटनगर / विराटनगरमा आयोजित श्रीकृष्ण रासलिला कार्यक्रमले शहरलाई श्रीकृष्ण मय बनाएको छ। चैत्र ५ गते मंगलबार पहिलो दिन प्रदर्शित कार्यक्रममा देवकीको विवाह देखि भगवान श्रीकृष्णको जन्मसम्मको कथा नाट्यरूपमा प्रस्तुत गरिएको थियो।
पहिलो दिनको प्रस्तुतिले करिब १ हजार श्रद्धालु दर्शकहरूलाई मन्त्रमुग्ध बनाएको थियो। कार्यक्रम हेरेका धेरै दर्शकहरूले यो प्रस्तुतिले उनीहरूलाई २०-२५ वर्ष अगाडि दूरदर्शन च्यानलबाट प्रसारित हुने रामायण र श्रीकृष्ण टेलिश्रृंखलाको याद दिलाएको प्रतिक्रिया दिएका थिए।
रासलिला समितिका प्रमुख संयोजक महेश साह स्वर्णकारका अनुसार, चैत्र ६ गते बिहीबार हुने दोस्रो दिनको कार्यक्रममा श्रीकृष्ण जन्माष्टमी र कालिया नागसँगको लिलाहरू प्रस्तुत गरिनेछ।
ब्रज लोक कला संस्थान वृन्दावनबाट आएका २१ जनाको टोलीले विराटनगरमा यो भव्य रासलिला मञ्चन गरिरहेका छन्। कार्यक्रम चैत्र ९ गते सम्म प्रत्येक दिन साँझको ६ बजेदेखि सुरुहुने जनाइएको छ।
यहाँ कमेन्ट गर्नुहोस्