रणभुमी डेस्क शनिबार, आश्विन ०५, २०८१
दुहवी, सुनसरी / राष्ट्रिय सौन्दर्यकर्मी युनियन नेपाल (नाबुन) को दुहवी नगर कमिटीले शनिबार एक भव्य कार्यक्रमको आयोजना गरी जितिया पर्व मनाएको छ। सुनसरी जिल्लाको दुहवी नगरपालिकास्थित अमन पार्टी प्यालेसमा आयोजित यो सांस्कृतिक कार्यक्रम चानो माझीको अध्यक्षतामा सम्पन्न भयो।
कार्यक्रममा दुहवी नगरपालिकाका नगर प्रमुख बेदनारायण गच्छदार प्रमुख अतिथिका रूपमा उपस्थित थिए। त्यसैगरी, राष्ट्रिय सौन्दर्यकर्मी युनियन नेपाल (नाबुन) का प्रदेश कमिटी अध्यक्ष काला डाँगी विशिष्ट अतिथिका रूपमा सहभागी भएका थिए। यसका साथै, नाबुनको विराटनगर महानगर समितिका प्रतिनिधिहरूको पनि उपस्थिति रहेको थियो।
कार्यक्रमको सुरुवातमा सम्पूर्ण अतिथिहरूलाई थारू सांस्कृतिक पोशाक लगाएर सम्मान गरिएको थियो। त्यसपछि विभिन्न सांस्कृतिक प्रस्तुतिहरू, नाच र गीतहरूले कार्यक्रमलाई रंगारंग बनाएको थियो।
यहाँ कमेन्ट गर्नुहोस्