रणभुमी डेस्क शुक्रबार, साउन ११, २०८१
विराटनगर / नेपाल सोनार समाज फाउण्डेशन विराटनगरले साउन ११ गते बेलुका ७:३० बजे महेन्द्र चौकमा विमान दुर्घटना पीडितहरूको सम्झनामा श्रद्धाञ्जली सभाको आयोजना गरेको छ ।
गत साउन २ गते बुधबार काठमाडौंमा भएको विमान दुर्घटनामा ज्यान गुमाएका सबै व्यक्तिहरूप्रति श्रद्धाञ्जली अर्पण गर्न कार्यक्रमको आयोजना गरिएको थियो । साथै शोकाकुल परिवारजनहरूलाई सम्वेदना व्यक्त गर्दै धैर्य धारण गर्ने शक्ति प्राप्त होस् भन्ने कामना पनि गरेका छन्।
यस कार्यक्रममा विराटनगरका विभिन्न संघसंस्थाहरू सहभागी भएका छन्। मोर्निङ वाक समूह, श्री कृष्ण गौ प्रेमी समूह, श्री हरि सत्संग समिति र नेपाल भारत समाजिक सांस्कृतिक मञ्च लगायतका संस्थाहरूले यस श्रद्धाञ्जली सभामा सहभागिता जनाएका थिए ।
स्थानीय नागरिकहरू समेत यस श्रद्धाञ्जली कार्यक्रममा उपस्थित भई दुर्घटना पीडितहरूप्रति सम्मान र सहानुभूति प्रकट गर्दै मौन धारण गरी आत्माको चिर शान्तिको लागी ओम जाप समेत गरेका थिए ।
यहाँ कमेन्ट गर्नुहोस्